Febrúar

Berta bakaríisterta

Óli fór til Bertu bakaríistertu

og bað hana að kyssa sig.

Þá sagði Berta bakaríisterta

ekki nema - þú elskir mig.

Þá sagði Óli, sem alltaf var á hjóli

ó hvað ég elska þig.

Þá sagði Berta bakaríisterta

Þá máttu kyssa mig.

Ein stutt, ein löng

Ein stutt, ein löng,

hringur á stöng

og flokkur sem spilað’ og söng.

Penni og blað

og fata sem lak

Fata sem lak

og penni og blað.

Ein stutt ein löng,

hringur á stöng

og flokkur sem spilað’ og söng.

Hver var að hlæja

Hver var að hlæja, þegar ég kom inn,

kannski það hafi verið kötturinn.

Jæja, nú jæja, látum hann hlæja,

kannski hann hlæi ekki í annað sinn

Dagvísa og mánaðarvísa

Sunnudagur, mánudagur, þriðjudagur,

miðvikudagur, fimmtudagur,

föstudagur og laugardagur,

og þá er vikan búin.

Janúar,

febrúar,

mars, apríl, maí, júní, júlí, ágúst,

september,

október,

nóvember og desember

Með vindinum þjóta skúraský

Með vindinum þjóta skúraský,

drýpur dropp, dropp, dropp,

drýpur dropp, dropp, dropp,

og droparnir hníga og detta' á ný,

drýpur dropp, dropp, dropp,

drýpur dropp, dropp, dropp.

Nú smáblómin vakna' eftir vetrarblund,

drýpur dropp, dropp, dropp,

drýpur dropp, dropp, dropp,

þau augun sín opna er grænkar grund,

drýpur dropp, dropp, dropp,

drýpur dropp, dropp, dropp.

Ég fór í dýragarð í gær

Ég fór í dýragarð í gær

og gettu hvað ég sá.

Ég fór í dýragarð í gær

og gettu hvað ég sá.

F-F-F-F

Fílinn þar ég sá!!

Allir hlæja á Öskudaginn

Allir hlæja´ á öskudaginn,

ó, hve mér finnst gaman þá.

Hlaupa lítil börn um bæinn

og bera poka til og frá.

Ó, mamma, gef mér rós í hárið á mér

Ó, mamma, gef mér rós í hárið á mér,

því tveir litlir strákar eru skotnir í mér.

Annar er blindur og hinn ekkert sér.

Ó, mamma, gef mér rós í hárið á mér

Þegiðu stelpa, þú færð enga rós

farðu heldur með henni Gunnu út í fjós

Þar eru kálfar og þar eru kýr,

þar eru fötur til að mjólka í.